!! LEDE VAN DIE BOERVOLK !!

WIE HET HIERDIE WWW BLAD OPGESTEL

WIE IS DIE BOERE SEPARATISTE

• Ons doel is nie om hierdie beweging te beheer en manipuleer nie.
• Ons soek eendrag onder die Boervolk, nie eenheid nie.
• Ons verlang soveel insette as moontlik van mede Boerevolksgenote.
• Ons voel dat dit die Boervolk self moet wees wat dit beheer en besit.
• Ons het wel sekere vaste beginsels rakende die Boere Separatiste Web blad en sal daarby bly staan totdat ons oorweldigend verkeerd bewys word, en dan ook alleen deur lede van die Boervolk en nie van volksvreemdes nie. Ook nie van akademici wie met kolonialistiese volksvreemde idees kom.
• Ons beginsels wat ons nastreef, kan op hierdie Web blaaie gevind word.

• Ons doel is om idees daar te stel, sowel as inligting rakende die Boervolk, wat gebruik kan word in die Vryheidstryd deur ons mede Boerevolksgenote om dus hul taak makliker te maak.
• 'n Verdere doel is om te help waak teen die gevare van die verlede, sodat ons nie weer gevang word in 'n wip soos vantevore nie. (sien ook Boeke blad, Wie is die Skuldiges.)
• Ons sal dus ook baie punte en redenasies hierin noem wat onbekend is tot vandag toe en wat ook deur baie van die sogenaamde leiersfigure net eenvoudig nie genoem word en selfs geignoreer word, andersom word die redenasies met sieklike politieke antwoorde afgemaak en verkleineer sodat die Boervolk nie by die waarheid kan uitkom nie, als ter wille van die stembus kruisies. Nie vir die Boervolk maar wel vir die doel om AfrikanerDOM te bevorder.

  Dus:

• Inligting daar te stel vir hulle wie nie meer weet hul is eintlik lede van die Boervolk en dus nie deel van die Afrikanernasie nie.
• Om sodoende die herontwaking van Boere-identiteit aan te wakker.
• Om die Boervolk te laat besef dat hy nog altyd as Boere kon saamstaan, soos ander volke, maar nooit met volksvreemdes nie. Daarom is die ou siek gesegte van " Ag man, ons Boere kan tog nie saamstaan nie", vals en verleidelik. Ons die Boervolk, kan saamstaan en sal weer !!.
• Sodat die Boervolk weer self, soos van ouds (soos met Paardekraal) hom kan beywer vir sy eie Boere onafhanklikheid.
• Om die Boervolk in te lig oor die gevare en dubbelagendas van die party-politieke klug rakende die Volkstaat ideologie en gedagtes.
• Om te wys hoe die Boervolk se eie geskiedenis, sentimente en ook sy vryheidstryd alewig gebruik word deur andere vir die doel van totale mag oor die Boervolk deur middel van politici en valse organisasies . Ook hoe die Boere dan geignoreer en verkleineer word vir die se eie munt.
• Die doel is om die Boervolk te help om hom self te identifiseer, sodat hy dan uit eie geledere en deur Boere 'n volksverteenwoordigende liggaam van Boerevolksgenote in die lewe sal roep om vir Boere onafhanklikheid in 'n Boere Republiek te betoog, omdat daar geen ander groep of beweging is wat werklik belangstel in die Boervolk as sulks nie.

  Ons besef ook en wil wys dat daar verskeie ander groepe is wie se doel dit is om vir die Boervolk se onafhanklikheid en vryheid te stry, maar die meeste van hulle wil of hul groep, beweging, party of "leier" se "eie" Identiteit behou, als ten koste van hul "egoisme" en dan speel die werklikheid van die Boervolk eintlik by hulle tweede vijool.

  Kom ons vervang die EK, van die egoiste met ONS binne die Boervolk.

  Eendrag sal bereik word binne die Boervolk, met of sonder hierdie mense. Om dinge te versnel sal hul egter van hul egoistiese houdings moet ontslae raak en by en saam met die Boervolk staan.

• Ook om te wys dat die Afrikaner nog minder belangstel in die Boervolk en net wanneer dit hulle pas, en dan die Boere gebruik vir hul eie gewin.
• Let ook op hoe dit altyd die Boer is waarna verwys word as iets sleg kamtig gebeur, en nie die Afrikaner nie.

Boere Separatistiese groepe.

Eendrag !! Maak Mag.

Soos wat jy sal kan aflei uit hierdie Web blad, is hier twee groepe wie sterk na vore kom, nl. die Transvaalse en Vrystaatse Separatiste.

Ons verwelkom ander wie vir die Boervolk se vryheid staan, maar in eendrag.

Hulle het besluit om saam die Boere Separatiste te vorm. Dus wil hulle deur middel van Eendrag, en ook deur jou insette in die saak, die vryheidstrewe weer onder die Boervolk aanwakker. Boerevolksgenoot, kom nooi jouself en sit hand by vir die verkryging van ons vryheid wat ons in 1910 met Unie wording verloor het.

Die Transvaalse Separatiste het reeds in 1983 tot stand gekom, en het nie, soos wat deur sommige mense beweer word, uitmekaar gespat, verval, vergaan of net so in die niet verdwyn nie. Nog minder is die T.S. opgeneem in die een of ander party, groep of beweging. Dis onmoontlik, want dit is 'n suiwer ideologie.

Partye, bewegings en groepe vergaan kort kort en maklik weens 'n gebrek aan 'n ideologie. Hulle gedagtegang word maar net gebaseer op dit wat hulle sien as trekpleisters vir kruisies by die stembus. Dus maak dit nie vir hulle saak, of hul nou so, en later sus maak nie. Die Boervolk maak per sui nie aan hulle saak nie.

Maar dit is nie die geval met die Boere Separatiste se ideologie nie. Dit is duidelik standvastig omdat dit uit 'n verskeidenheid mense met verskillende agtergronde, idees en sieninge gekom het, en tog het hulle saam net een eendragtige doel voor oog en verskil dus nie ideologies oor die Boervolk nie. Ook is dit nie herroeplik, net soos wat die Boervolk se geskiedenis ook nie herroeplik is nie. Dit is etnies van aard en dus nie deelbaar met ander nie. (Sien monument te Pretoria.)

Daarteenoor het die Vrystaatse Separatiste in 1990 tot stand gekom. Hulle het besluit om 'n lae profiel te handhaaf om nie die media van hul bestaan bewus te maak tydens die jare van die politieke-partye se struwelinge onder mekaar in die aanloop tot die 1994 verkiesing.

Hulle het toe reeds saam met die Transvaalse Separatiste begin beplan aan strategie vir die Boervolk se Vryheid en Onafhanklikheid tydens die nuwe Vryheidstryd.

Terug na hoofblad.